Swyddi a Economi

Gweithio er mwyn byw, nid byw er mwyn gweithio.

Mae’r colli swyddi sydd wedi dod gyda chamreoli model economaidd anghynaladwy yn wastraff gwarthus o dalent ac uchelgais, ac wedi troi bywyd yn frwydr ddyddiol i lawer o filoedd o bobl yng Nghymru.

Wrth i benaethiaid y banciau barhau i bocedu eich arian chi ar ffurf bonysau nad ydynt yn eu haeddu, mae ffatrïoedd, cwmnïau a ffermydd yn cael eu gorfodi i ddiswyddo rhagor o weithwyr bob dydd, wythnos a mis.

Rhaid i hyn ddod i ben. Ein blaenoriaeth fawr a phwysicaf yw creu swyddi a llefydd hyfforddi a fyddai’n mynd i’r afael â phroblemau amgylcheddol yn ogystal â diweithdra.

Byddai’n cynnwys pecyn o fesurau a ddisgrifir yn y maniffesto hwn, gan gynnwys hyfforddiant i’r gweithlu, buddsoddi mewn ynni adnewyddadwy, cludiant cyhoeddus, inswleiddio, tai cymdeithasol a rheoli gwastraff. Byddem hefyd yn:

Datblygu strategaeth swyddi gwyrdd y Cynulliad, gan sicrhau ei bod yn cyrraedd ei gwir botensial. Mae’r Blaid Werdd yn amcangyfrif y gellid creu 50,000 o swyddi yn yr economi carbon isel yng Nghymru.

Cynnig hyfforddiant Gwyrdd i’r gweithlu, gan gynnwys cyrsiau hyfforddi ar gyfer swyddi mewn arbed egni ac ynni adnewyddadwy, gyda chyrsiau trosi wedi’u hariannu gan grantiau ar gyfer peirianwyr medrus o ddiwydiannau eraill.

Gwella ac ehangu’r Rhwydwaith Dechrau’n Deg. Mae Dechrau’n Deg wedi gwneud gwahaniaeth gwirioneddol i fywydau rhai o’n plant tlotaf.

Gwerthfawrogi ac amddiffyn gofalwyr a gwirfoddolwyr.

Cefnogi symudiadau tuag at ddemocratiaeth yn y gweithle a sicrhau bod gweithwyr a chyn-weithwyr yn rheoli eu cronfeydd pensiwn.

Cefnogi rôl ehangach i fentrau cyd-weithredol